Aktivitet me femijet e Qendres Sociale Multidisiplinare, Tiranë me rastin e “Dites Boterore te Ozonit”, 16 Shtator 2020
15/10/2020AKTIVITETET E ZHVILLUARA NE DITEN E OZONIT NE SHQIPERI – Deklaratë për shtyp
18/10/2021
Më 18 Shtator 2020, përfaqësuesit e Njësisë Kombëtare të Ozonit dhe Ministrisë së Turizmit dhe Mjedisit zhvilluan fushatën ndërgjegjësuese “Ozoni për jetë – 35 vjet mbrojtje e shtresës së ozonit” kushtuar 16 Shtatorit 2020 – Dita Botërore e Ozonit. Qëllimi kryesor i fushatës ishte tërheqja e vëmendjes së nxënësve drejt informacionit në lidhje me mbrojtjen e shtresës së ozonit dhe faktorëve që kanë shkaktuar dëmtimin e saj. Ky aktivitet u mbajt në shkollën profesionale “Gjergj Canco” në Tiranë.
Gjatë pjesës së parë të fushatës ndërgjegjësuese u mbajtën një numër aktivitetesh sensibilizuese. Programi përfshinte aktivitetet si më poshtë:
- Një leksion I hapur lidhur me “35 vjet mbrojtje të shtresës së ozonit” si dhe “Konventa e Vjenës dhe Protokolli i Montrealit mbi substancat që dëmtojnë shtresën e ozonit”;
- Informacione rreth Ditës Botërore të Ozonit, prezantimi i temës dhe posterave të përgatitur nga Sekretariati Ozonit me rastin e Ditës Botërore të Ozonit, 2020;
- Shfaqja e videove lidhur me rëndësinë e mbrojtjes së shtresës së Ozonit – “Dita Botërore e Ozonit 2020 – Ozon për jetë” dhe “Çdo gjë që ka ndodhur me vrimën e ozonit”.
