Takimi i Rrjetit të Evropës dhe Azisë Qendrore për Zyrtarët e Protokollit të Montrealit dhe Pikat Fokale të DoganaveTiranë, Shqipëri
21/04/2025
Trajnimi i teknikeve ne shkollat profesionale – “Amendamenti Kigali dhe alternativat e zevendesimit te Gazeve HCFC dhe HFC me GWP te larte”
23/04/2025
Njësia Kombëtare e Ozonit, në bashkëpunim me UNIDO, organizoi në Tiranë Konferencën Kombëtare “AMENDAMENTI I KIGALI – Mbështetje për Industrinë Shqiptare ndaj Ndryshimeve Klimatike”. Kjo konferencë pati një rëndësi të veçantë në drejtim të zbatimit të detyrimeve që rrjedhin nga Amendamenti i Kigali-t i Protokollit të Montrealit për Shqipërinë. Gjatë konferencës u trajtuan temat si:
- Amendamenti i Kigali-t dhe Plani i Zbatimit për Uljen Graduale të Gazeve HFC në Shqipëri (KIP);
- Legjislacioni i ri për gazrat fluororë me efekt serrë dhe harmonizimi i tij me legjislacionin e BE-së;
- Politikat dhe aktet rregullatore që nxisin efiçencën e energjisë në Shqipëri dhe në vende të tjera të rajonit;
- Sektori i ftohjes dhe kondicionimit në Shqipëri – tendencat, mundësitë dhe sfidat që lidhen me përdorimin e alternativave me GWP të ulët;
- Skemat e trajnimit dhe certifikimit – përvoja evropiane dhe propozimi për një skemë të tillë në Shqipëri.
Pjesëmarrës në këtë konferencë ishin përfaqësues nga UNIDO, UNEP, Njësia Kombëtare e Ozonit, Ministria e Turizmit dhe Mjedisit, si dhe konsulentë nga sektori i ftohjes dhe kondicionimit (nga Shqipëria dhe rajoni), kompani private, shoqata të teknikëve të ftohjes nga Shqipëria dhe vende fqinje, profesorë dhe pedagogë nga universitete publike dhe private, mësues dhe trajnerë nga shkollat profesionale, studentë etj.
Gjatë konferencës u organizua gjithashtu edhe një Ceremonia e Vlerësimit të teknikëve shqiptarë të certifikuar sipas Rregullores së BE-së për gazrat F, në bashkëpunim me “Centro Studi Galileo”, Itali dhe “Kolegjin Profesional të Tiranës”. Kjo ceremoni theksoi angazhimin për krijimin e një force pune të kualifikuar dhe të certifikuar në sektorin e ftohjes dhe kondicionimit, në përputhje me standardet evropiane.
Dita 1
Dita 2
