Rregulla të reja për F-gazet? Agjencia Evropiane e Kimikateve mbështet kufizimin në të gjithë BE-në për “kimikatet e përhershme”
03/04/2026
Një tjetër grup teknikësh të sektorit të ftohjes dhe kondicionimit të ajrit (RAC) përfundoi me sukses procesin e trajnimit dhe certifikimit sipas standardeve të Bashkimit Europian. Aktiviteti u zhvillua në ambientet e Tirana College of Technology, në bashkëpunim me Centro Studi Galileo (Itali) dhe me mbështetjen e Njësisë Kombëtare të Ozonit.
Trajnimi i teknikëve u zhvillua në datat 20, 21 dhe 22 prill, ndërsa në 23 dhe 24 prill u realizua testimi teorik dhe praktik. Për të garantuar një proces sa më cilësor dhe efikas, pjesëmarrësit u ndanë në dy grupe dhe iu nënshtruan vlerësimit sipas standardeve ndërkombëtare profesionale.
Testimi u realizua nga eksperti ndërkombëtar Antonio Fierro, trajner dhe vlerësues në fushën e F-gazeve, i angazhuar prej vitesh në trajnimet dhe proceset e certifikimit profesional në Europë.
Centro Studi Galileo konsiderohet një nga qendrat më të njohura në Europë për trajnimet dhe aktivitetet profesionale në sektorin e ftohjes, kondicionimit të ajrit dhe teknologjive të lidhura me to.
Pas përfundimit me sukses të testimit, teknikët pajisen me certifikata të njohura në Bashkimin Europian, të cilat regjistrohen në regjistrin europian të teknikëve, duke u dhënë pjesëmarrësve një kualifikim profesional të vlefshëm edhe në tregun europian të punës. Me këtë grup të ri, numri i përgjithshëm i teknikëve shqiptarë të certifikuar sipas këtyre standardeve, ne tre vitet e fundit, ka arritur në 58.
Ky aktivitet është pjesë e bashkëpunimit të vazhdueshëm ndërmjet Njësisë Kombëtare të Ozonit, partnerëve ndërkombëtarë dhe institucioneve arsimore profesionale për forcimin e aftësive profesionale në sektorin RAC dhe përgatitjen e teknikëve shqiptarë sipas standardeve ndërkombëtare të sektorit.
