Takimi i Rrjetit të Evropës dhe Azisë Qendrore për Zyrtarët e Protokollit të Montrealit dhe Pikat Fokale të DoganaveTiranë, Shqipëri
25/04/2024
Forumi i Parë Vjetor mbi Ozonin dhe Klimën në Shqipëri (FOCAL)
07/11/2024
Njësia Kombëtare e Ozonit (NOU) organizoi disa aktivitete dedikuar Ditës Botërore të Ozonit, 16 Shtator 2024, të cilat synonin rritjen e ndërgjegjësimit për mbrojtjen e shtresës së ozonit, zbutjen e ndryshimeve klimatike dhe promovimin e objektivave Protokollit të Montrealit, dhe vecanërisht Amendamentin e Kigalit. Aktivitetet kryesore ishin:
Më datë 16.09.2024, Njësia Kombëtare e Ozonit në bashkëpunim me Kolegjin Profesional të Tiranës dhe Shoqatat RAC organizoi një takim me operatorë dhe teknikë të sektorit të ftohjes dhe ajrit te kondicionuar. Ky event tërhoqi interes të madh duke bërë bashkë 55 pjesëmarrës të pranishëm nga kompani dhe institucione të ndryshme, dhe u përqëndrua në aktivitetet e të mëposhtme:
- Informacion për Ditën Botërore të Ozonit 2024, Konventën së Vjenës dhe Protokollin të Montrealit:
Rëndësia e mbrojtjes së shtresës së ozonit u theksua vecanerisht në prezantimin e përfaqësuesit të NOU me titull “Mbrojtja e Shtresës së Ozonit dhe Adresimi i Ndryshimit Klimatik: Ndikimi Rendesishem i Protokollit të Montrealit”. - Diskutime lidhur me implementimin e Ligji te ri te Gazeve Serre: Në seancën kryesore te aktivitetit u zhvilluan diskutime te shumta lidhur me zbatimin e ligjit të ri të Gazeve Serre, gjatë të cilit teknikët ndanë shqetësimet e tyre dhe sfidat me të cilat përballen.
- Koktej: Ne perfundim te aktivitetit u organizua një koktej, duke ofruar një mundësi për pjesëmarrësit të vazhdojnë diskutimet e tyre dhe të ndajnë njohuri në një mjedis më joformal.
Përfaqësues nga Njësia Kombëtare e Ozonit zhvilluan gjithashtu fushatën sensibilizuese “Protokolli i Montrealit: Avancimi i Veprimit Klimatik” me nxënës të shkollave të mesme profesionale. Qëllimi kryesor i kësaj fushate ishte përfshirja e studentëve në diskutime rreth rëndësisë së mbrojtjes së shtresës së ozonit dhe adresimit të ndryshimeve klimatike. Kjo nismë u organizua në bashkëpunim me dy shkolla profesionale.
Në 16 shtator 2024, në shkollën profesionale “Karl Gega” në Tiranë u organizua një aktivitet ndërgjegjësues lidhur me Ditën Botërore të Ozonit. Në aktivitet morën pjesë rreth 25 nxënës dhe 3 mësues te kesaj shkolle.
Në 17 shtator 2024, në Institutin “Harry Fults” në Tiranë, u organizua një aktivitet ndërgjegjësues lidhur me Ditën Botërore të Ozonit, 16 Shtator 2024 ku morën pjesë rreth 40 nxënës dhe tre mësues te kesaj shkolle.
Më 16 shtator 2024, Bashkia e Tiranës organizoi një aktivitet të veçantë në fshatin Pezë për të përkujtuar Ditën e Ozonit.Njësia Kombëtare e Ozonit mori pjesë në aktivitet, duke kontribuar me aktivitete ndërgjegjësuese, duke shpërndarë materiale edukative, fletepalosje, postera, etj mbi rendesine e mbrojtjes se shtresën e ozonit dhe zbutjen se ngrohjes globale. Aktiviteti mblodhi njerëz të të gjitha moshave, me një fokus të veçantë në angazhimin e të rinjve përmes aktiviteteve informative dhe ndërvepruese.
Më datë 16 shtator 2024, Njësia Kombëtare e Ozonit, në bashkëpunim me gjimnazin “Top School” në qytetin e Durrësit,organizuan një aktivitet të titulluar “Dëgjoje Esenë time”. Aktiviteti mblodhi së bashku 35 nxënës dhe mësuesit e tyre, të cilët prezantuan Essetë e pergatiture prej ture, ku nënvizonin sfidat mjedisore dhe zgjidhjet që lidhen me Shqipërinë dhe qytetin e tyre bregdetar.
Në datën 18 shtator 2024, përfaqësuesit e NOU zhvilluan një aktivitet interesant me fëmijët e Qendrës Komunitare “Të qëndrojmë së bashku” në Tiranë. Ky aktivitet është pjesë e bashkëpunimit tonë të vazhdueshëm për të mbështetur fëmijët që studiojnë në këtë qendër. Ai u organizua nën moton: “Protokolli i Montrealit: Avancimi i Veprimit Klimatik”. Në këtë aktivitet morën pjesë aktive rreth 30 fëmijë të moshës 10-12 vjeç dhe katër mësues nga Qendra Komunitare.
“Sa më shumë dimë për natyrën, aq më shumë e përdorim në avantazhin tonë” ishte një aktivitet informues dhe sensibilizues i zhvilluar me nxënësit e gjimnazit “16 Shtatori” në Pezë. Aktiviteti mblodhi rreth 45 nxënës dhe 6 mësues të lëndëve “Natyrë” dhe “Biologji”. Sesioni filloi me një kuiz interaktiv, duke ndezur diskutime mbi tema kryesore mjedisore si rëndësia e mbrojtjes së shtresës së ozonit, shkaqet e ngrohjes globale, masat për të zbutur ndryshimet klimatike, fatkeqësitë natyrore, Dita Botërore e Ozonit dhe rëndësia e Protokollit të Montrealit.
