Shqipëri – Dita Ndërkombëtare e Ozonit 2024
16/09/2024
Trajnimi i teknikeve ne shkollat profesionale – “Amendamenti Kigali dhe alternativat e zevendesimit te Gazeve HCFC dhe HFC me GWP te larte”
10/01/2025
Njësia Kombëtare e Ozonit, në bashkëpunim me UNIDO dhe UNEP, organizuan në date 7 nëntor 2024, në Tiranë “Forumin e Parë Vjetor mbi Ozonin dhe Klimën në Shqipëri (FOCAL)”, me temë “Kuadri Ligjor dhe Rregullator për Zbatimin e Fazës së Uljes së HFC në Shqipëri – Objektivat, Mundësitë, Sfidat”. Ky aktivitet u përshëndet zyrtarisht nga z. Sofjan Jaupaj, Zëvendës Ministër i Turizmit dhe Mjedisit i Shqipërisë, dhe mblodhi së bashku përfaqësues nga institucionet dhe organizatat kryesore kombëtare, duke përfshirë:
- Ministria e Turizmit dhe Mjedisit.
- Njësia Kombëtare e Ozonit.
- Drejtoria e Përgjithshme e Doganave.
- Agjencia Kombëtare e Mjedisit.
- Shoqata Teknikeve RAC.
- Importuesit,
- Universitetet dhe Shkollat profesionale, si dhe palët e tjera të interesuara.
Kontributet e znj. Elena Miceva, Koordinatore UNIDO per Shqiperine, z. Halvart Koeppen, UNEP OzonAction dhe z. Sasa Cvijetic, Konsulent Ndërkombëtar ishin shume të vlefshme, duke ofruar njohuri dhe ekspertizë kryesore lidhur me sistemet e licensimit dhe kuotimit te gazeve HFC. Kontributi i përfaqësuesve të Njesise Kombetare te Ozonit, si dhe veçanërisht i z. Ilir Palushaj, Konsulent Kombëtar në sektorin e RAC, ndihmuan në shpjegimin e situatë se vendi tone Shqipërisë në lidhje me sistemet e reja të licencimit dhe ndarjes së kuotave të HFC-së dhe sfidat per vitet në vijim. Për më tepër, diskutimet me importuesit e HFC ishin një pikë qendrore e forumit, duke ofruar një kuptim të plotë të perspektivave dhe shqetësimeve të tyre.
Forumi i Parë Vjetor për Ozonin dhe Klimën në Shqipëri ofroi një platformë të rendesishme për dialogun, bashkëpunimin dhe ngritjen e kapaciteteve. Ai theksoi angazhimin e Shqipërisë për luftën globale kundër varfërimit të ozonit dhe ndryshimeve klimatike, ndërkohë që hapi rrugën për zbatimin efektiv të uljes së HFC-së. Pjesëmarrja aktive e aktorëve kombëtarë dhe ndërkombëtarë nënvizoi përpjekjen kolektive të nevojshme për të arritur praktika të qëndrueshme dhe miqësore me klimen.
