Konferenca Kombëtare “AMENDAMENTI I KIGALI – Mbështetje për Industrinë Shqiptare ndaj Ndryshimeve Klimatike” në datat 9–10 nëntor 2023, Tiranë
22/04/2025
Forumi i Parë Vjetor mbi Ozonin dhe Klimën në Shqipëri (FOCAL)
24/04/2025
Njesia Kombetare Ozonit ne bashkepunim me Kolegjin Profesional te Tiranes organizoi trainimin dy-ditor me teme “Amendamenti Kigali dhe alternativat e zevendesimit te HCFC dhe HFC me GWP te larte” ne data 9 – 10 janar 2025. Ky aktivitet, i planifikuar (dizenjuar) per tekniket e shkollave profesionale, u realizua nen kujdesin e vecante te Zj. Diana Biba, CEO e Kolegji Profesional te Tiranes, si dhe kontributin e shquar profesional te Prof. Luan Karçanaj, Rektor i Kolegjit Profesional te Tiranes, Prof. Marjeta Dhima, lektore nga Kolegji Profesional I Tiranes, Prof. Ilir Palushaj, Keshilltar per Protokollin e Montrealit. Ne trajnim moren pjese 37 studente te Kolegjit Profesional te Tiranes, te cilet pas perfundimit me sukses te tij, u pajisen me “Certifikate Pjesmarrje”.
Pjesa e parë e seminarit u fokusua në njohuritë teorike, duke mbuluar tema thelbësore si: “Mbrojtja e shtresës së ozonit sipas Konventës së Vjenës dhe Protokollit të Montrealit”; “Amendamenti i Kigalit dhe reduktimi global i HFC-ve”; “Alternativa të zevendesimit të HCFC dhe HFC me GWP të lartë”; “Standardet e sigurisë, menaxhimi i rrezikut dhe praktikat më të mira”; “Metodat dhe kërkesat standarde për kontrollet e rrjedhjeve”, etj.
Pjesa e dytë e trajnimit iu kushtua praktikes, duke u mundësuar pjesëmarrësve të fitojnë përvojë praktike në trajtimin e sistemeve RAC&HP. Objektivi ishte rritja e aftësive të tyre teknike, përmirësimi i performancës dhe efikasitetit të sistemit dhe sigurimi i aplikimit të praktikave më të mira në këtë sektor. Gjatë sesioneve praktike, pjesëmarrësit u ndanë në grupe të vogla 2-3 persona, dhe punuan me trajnerët duke perdorur pajisjet perkatese te praktikes. Çdo teknik kishte mundësinë të angazhohej drejtpërdrejt në ushtrime praktike nën drejtimin e një eksperti. Trajnimi praktik vazhdoi në ditën e dytë, i drejtuar nga trajneri i shkollës profesionale, duke siguruar një përvojë mësimore të plotë dhe gjithëpërfshirëse.
