Dita Boterore Ozonit 2022 – Aktivitet me pjesmarresit e “Qendrës Komunitare Multidisiplinare”

Në 16 shtator 2022, përfaqësuesit e NOU zhvilluan një aktivitet me pjesëmarrësit e “Qendrës Sociale Multidisiplinare” në Tiranë. Në këtë aktivitet morën pjesë 35 të moshuar që frekuentojnë shpesh “Qendrën Sociale Multidisiplinare”, stafi i Qendrës dhe përfaqësues të Drejtorisë së Shërbimeve Sociale në Bashkinë e Tiranës.
Gjatë pjesës së parë të këtij aktiviteti u mbajtën një sërë aktivitetesh sensibilizuese si sesioni informues në lidhje me Ditën Botërore të Ruajtjes së Shtresës së Ozonit, Protokollin e Montrealit për Substancat që Hollojnë shtresën e Ozonit, shkaqet kryesore të Hollimit të Shtresës së Ozonit dhe rëndësinë të mbrojtjes së shtresës së ozonit. Në pjesën e dytë të aktivitetit u shpërndanë lojëra të ndryshme si; shah, domino, lojëra letrash, ludo etj. Në fund pjesëmarrësve u shpërndanë postera bluza, kapele, stilolapsa, çanta ekologjike me logon e Ditës Botërore të Ozonit 2022.